سوودانی سەردانەکەی بۆ لەندەن دوا دەخات

ئاڤا نیوز

 

گرژیی و ئاڵۆزییەکانی ناوچەکە و هێرشی بەردەوامی ئیسرائیل و حیزبوڵڵا لە دژی یەکتر و کوژرانی حەسەن نەسروڵڵا، ئەمینداری گشتی حیزبوڵڵای لوبنان، وای لە سەرۆکوەزیرانی عێراق کرد سەردانەکەی بۆ لەندەن بۆ کاتێکی دیکە دوا بخات.

 

وێنە گەورەکە: عێراق و بەریتانیا خوازیاری پتەوکردنی پەیوەندییەکانی نێوانیانن لە بواری بازرگانی، بەرەنگاربوونەوەی گۆڕانەکانی کەشوهەوا و ماددە هۆشبەرەکان، بۆ ئەو مەبەستەش بڕیاربوو محەممەد شیاع سوودانی سەردانی لەندەن بکات و چەند ڕێککەوتنێک لەنێوان هەردوو وڵات واژۆ بکرێت.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: بەهۆی پێشهات و ڕووداوەکانی ئێستای گۆڕەپانی هەرێمی و نێودەوڵەتیی، محەممەد شیاع سوودانی، سەرۆکوەزیرانی عێراق بڕیاریدا سەردانە فەرمییەکەی بۆ شانشینی یەکگرتوو بۆ کاتێکی دیکە دوابخات.

 

زانیاریی زیاتر: بڕیاربوو سەرەتای مانگی (10) تشرینی یەکەمی ئەمساڵ، محەممەد شیاع سوودانی، سەرۆکوەزیرانی عێراق سەردانی بەریتانیا بکات.