بڕیاری نوێی بانکی ناوەندیی عێراق لەبارەی پارەدانی ئەلیکترۆنییەوە

ئاڤا نیوز

 

بانكی ناوەندیی عێراق بڕیاری نوێی بۆ پێدانی مۆڵەت بە كۆمپانیاكانی پارەدانی ئەلیكترۆنی دەرکرد و مەرجی تازەی بۆ دیاری کردوون. 

 

نووسراوی فەرمی: "لە هەفتەی ئاییندەوە تەواوی مامەڵە داراییەکانی پارەدانی ئەلیکترۆنی کە لەلایەن کۆمپانیاکان و هاووڵاتییانەوە ئەنجامدەدرێت، ڕادەگیرێت؛ هەر کۆمپانیایەکی پارەدانی ئەلیکترۆنی یاخود نووسینگەیەک سەردانی بانکی ناوەندی بکات دەبێت تۆماری تەواوی حەواڵەی ساڵەکانی 2020 تاوەکو کۆتایی 2023ـی لەلا بێت". بانکی ناوەندیی عێراق وای نووسیوە. 

 

زانیاریی زیاتر: بەپێی بڕیارەکە، هیچ کۆمپانیایەك ناتوانێت خزمەتگوزاریی پارەدانی ئەلیکترۆنی ئەنجامبدات، ئەگەر لە بانکی ناوەندی خۆی تۆمار نەکردبێت و ڕاپۆرتی سێ ساڵی ڕابردووشی پێشکەش نەکردبێت.