لە هەولێر نەخۆشخانەیەکی تایبەت بە ئاڵودەبووانی ماددەی هۆشبەر دەکرێتەوە

ئاڤا نیوز

حکومەتی هەرێمی کوردستان نەخۆشخانەیەکی تایبەت بە چارەسەرکردنی تووشبوانی ماددەی هۆشبەر و ژیاندنەوەیان لەڕووی کۆمەڵایەتییەوە لە هەولێر دروست دەکات.

لێدوانیی فەرمی: سامان بەرزنجی، وەزیری تەندروستیی هەرێمی کوردستان بە ئاڤا نیوزی ڕاگەیاند: "بەمزووانە بەردی بناغەی نەخۆشخانەکە دادەنرێت و زەوی و بودجەشی بۆ دابین کراوە، تووشبووان نەک تەنیا چارەسەر وەردەگرن، بەڵکو شیاندنەوەیان بۆ دەکرێت بۆ ئەوەی بگەڕێنەوە نێو کۆمەڵگە".

ئەوەی پێویستە بیزانیت: سەرۆکوەزیران مەسرور بارزانی لە ماوەکانی ڕابردوودا دروستکردنی نەخۆشخانەیەکی تایبەت بە چارەسەری بەکارهێنەرانی ماددەی هۆشبەری ڕاگەیاند. 

قووڵتر: توشبووی ماددەی هۆشبەر ئیتر لە هەرێمی کوردستان وەک تاوانبار مامەڵەی لەگەڵ ناکرێت، بەگوێرەی یاسای ژمارە 1ی ساڵی 2020ی پەرلەمانی کوردستان، ڕێکاری تایبەت بۆ چارەسەرکردنیان دانراوە.