لە هەولێر و دهۆک دوو نەخۆشخانەی دەروونی دروست دەكرێن

ئاڤا نیوز

وەزیری تەندروستیی هەرێمی كوردستان ئاشكرای دەكات لە نەخۆشخانەی دەروونی لە شاری هەولێر تەواو كراوە و لە داهاتوویەكی نزیكیشدا لە شاری دهۆكیش هاوشێوەی دروست دەكرێت.

وێنە گەورەكە: لە هەرێمی كوردستان شوێن و بەش لە نەخۆشخانەكان هەیە بۆ ئەو كەسانەی نەخۆشیی دەروونییان هەیە و پێویستیان بە چەند ڕۆژێكە بۆ چارەسەركردن بەڵام نەخۆشخانەی تایبەت بە نەخۆشییە دەروونییە درێژخایەنەكان نییە، لە شاری سلێمانی سەنتەرێك هەیە ئەم كارە دەكات و نەخۆشخانەیەكی تایبەت بۆ ئەو بابەتە لە هەولێر دروست كراوە و لە داهاتوویەكی نزیكدا دەكرێت و لەماوەی داهاتووش هەمان پڕۆژە لە دهۆك جێبەجێ دەكرێت.

لێدوانی فەرمی: د.سامان بەرزنجی، وەزیری تەندروستیی حكومەتی هەرێمی كوردستان بە ئاڤای ڕاگەیاند: بە بڕیاری سەرۆكایەتیی ئەنجوومەنی وەزیرانی هەرێمی كوردستان سێ پڕۆژ كە بریتین لە دروستكردنی سێ نەخۆشخانە بۆ ئەو كەسانەی نەخۆشیی دەروونیی درێژخایەنیان هەیە جێبەجێ دەكرێ، ئەمە بۆ ئەو نەخۆشانەیە كە چارەسەركردنیان چەندین مانگ و ساڵیان پێویستە.

زانیاریی زیاتر: وەزیری تەندروستیی هەرێمی كوردستان ئاماژەی بە ئەوە دا كە نەخۆشخانەكەی هەولێر تەنیا چەند پێداویستییەكی زۆر كەمی ماوە بۆی دابین بكرێت لە داهاتوویەكی زۆر نزیكدا دەكرێتەوە، لە شاری دهۆكیش بڕیار دراوە كە نەخۆشخانەیەكی هاوشێوە بكرێتەوە، لە شاری سلێمانیش لە ماوەی ڕابردوو سەنتەری سۆز بۆ هەمان مەبەست و ئامانج كرایەوەز