تەرمی گەنجە ونبووەکەی کەلار بە خنکاوی دۆزرایەوە

ئاڤا نیوز


مەهدی محەممەد، گەنجە ونبووەکەی کەلار، دوای نزیکەی هەفتەیەک لە دیارنەمانی ئەمڕۆ شەممە، بەخنکاوی لە رووباری سیروان دۆزرایەوە.

چیرۆکی سەرەکی: گەنجێکی تەمەن 26 ساڵەی دانیشتووی کەلار بە ناوی مەهدی محەممەد، ماوەی شەش ڕۆژە لە ماڵ دەرچووە و بێسەروشوێنە بووە، ماوەی چوار ڕۆژە خانەوادە و کەسوکاری بەدوایدا دەگەڕێن، دواجار ئەمڕۆ تەرمی گەنجە ونبووەکە لە ڕووباری سیروان دۆزرایەوە.

زانیاریی پەیامنێر: هونەر فارس، پەیامنێری ئاڤا میدیا لە گەرمیان، گوتی: دوای نیوەڕۆی ئەمڕۆ شەممە، 22-11-2025، تەرمی مەهدی محەممەد، گەنجە ونبووەکەی کەلار، لە نزیک گوندی کانی ماسی لە سنووری قەزای کەلار، لە نێو ڕووباری سیروان دۆزراوەتەوە.

ئەمەش بزانە: ئەمڕۆ تیمێکی غەواسی بەرگریی شارستانی و زانای غەواس لە رووباری سیروان بە دوای تەرمی گەنجە ونبووەکە گەڕان و دوای نیوەڕۆ تەرمەکەیان دۆزیوەتەوە، وابڕیارە تەرمەکە ڕەوانەی پزیشکی دادی بکرێت بۆ ئەوەی هۆکاری گیانلەدەستدانی ئاشکرا بکرێت.