هۆکاری مردنی شاژنە ئێلیزابێسی دووەم ئاشکرا دەکرێت

ئاڤا نیوز

 

دوای دوو ساڵ ئاشکرا دەبێت کە شاژنی بەریتانیا بەهۆی شێرپەنجەی ئێسکەوە گیانی لە دەستداوە.

 

چیرۆکی سەرەکی: شاژنە ئێلیزابێسی دووەم لەدوای مردنی وا بڵاوکرایەوە کە هیچ نەخۆشییەکی نەبووە و بەهۆکاری سروشتی گیانی لە دەستداوە، بەڵام دوای دوو ساڵ بۆریس جۆنسن، سەرۆکوەزیرانی پێشووتری بەریتانیا، نهێنی مردنەکەی ئاشکرا دەکات.

 

ڕاگەیێنراوی فەرمی: سەرۆکوەزیرانی پێشووتری بەریتانیا، لە کتێبی 'Unleashed' چەند نهێنییەک ئاشکرا دەکات، لە یەکێک لە بڕگەکانی کتێبەکەیدا دەڵێت، ''ساڵێک زیاتر دەمزانی کە شاژن جۆرێک لە نەخۆشی شێرپەنجەی ئێسکی هەیە ''. 

 

لە لایەکی دیکەوە: ئەمە یەکەم جارە سیاسیەکی بەریتانیا هۆکاری مردنی شاژن ئاشکرا بکات و پێشتر بە فەرمی وەکو مردن بەهۆکاری 'پیری' لە بڕونامەی مردنەکەیدا باسکراوە.

 

باکگراوند: ئێواره‌ی ڕۆژی پێنجشه‌ممه‌ 8ی ئه‌یلوولی 2022، شاژنە ئێلیزابێسی دووەم، شاژنی به‌ریتانیا له‌ ته‌مه‌نی 96 ساڵیدا كۆچی دوایی كرد.