هەشت ژەمی سووک بۆ پێش خەوتن

ئاڤا نیوز

 

خواردن لە شەودا خوویەکی خراپە، بەڵام خواردنی خۆراک بەشێوەیەکی تەندروست پێش خەوتن سوودی گرنگی هەیە و دەکرێت سوودێكی تەندروستی گرنگ بە جەستەی مرۆڤ ببەخشێت.

 

وێنە گەورەکە: ماڵپەڕی 'Health' کۆمەڵێک بیرۆکەی بۆ ژەمە سووک و تەندروستەکان پێشکەش کردووە بۆ خواردنی خۆراکی تەندروست، کاتێک پێش خەوتن هەست بە برسێتی دەکرێت دەتوانرێت بخورێن.

 

ئەو خۆراک و میوانەی دەکرێت پێش خەوتن بخورێن ئەمانەن:

گێلاس: تامێکی شیرینی هەیە کەوا دەکات ڕێگەیەکی باش بێت بۆ کەمکردنەوەی هەستی برسێتی لە درەنگانی شەودا. هەروەها میلاتۆنینی تێدایە، هۆرمۆنێک لە مێشکدا دەردەدات و یارمەتی باشتر کردنی سووڕی خەو دەدات.

کێوی: میلاتۆنین و سیرۆتۆنینی تێدایە کە دوو هۆرمۆنی گرنگن لە سووڕی خەو و بەخەبەربووندا. کێوی دەوڵەمەندە بە دژە ئۆکسیدەکان، لەوانە ڤیتامین C و E کە یارمەتی کەمکردنەوەی هەوکردن دەدەن کە زۆرجار پەیوەندی بە کەمی خەوەوە هەیە.

ئاردی شۆفان: شۆفان هەڵبژاردنێکی باشە و دەوڵەمەندە بە ڕیشاڵەکان، کە یارمەتیت دەدات بە درێژایی شەو بە تێری بمێنیتەوە و یارمەتی خەوێکی باش دەدات.

پارچەیەک سێو لەگەڵ کەرەی بادەم دەتوانێت ژەمێکی زۆر باش بێت لە درەنگانی شەودا، بەتایبەتی کاتێک لەگەڵ کەرەی بادام تێکەڵ بکرێت. ئەم ژەمە هاوسەنگییەکی باشی سێ ماددەی خۆراکی گەورەیە (واتە چەوری، پرۆتین و کاربۆهیدرات) دابین دەکات.

 

ماست و هەنگوین: کوپێکی بچووک لە ماست بە هەنگوین لەوانەیە ژەمێکی بەسوود و بەتام بێت لە درەنگانی شەودا. ئەم ژەمە پرۆتین و شەکری سادە دابین دەکات.

مۆز و کەرەی فستق عەبید: ئەم ژەمە هاوسەنگییەکی تەواو لەنێوان سوێری و شیرینی دابین دەکات .

 

گوێز: گوێز هەڵبژاردنێکی باشە بۆ ژەمەکان لە شەودا بەهۆی مەگنیسیۆم و چەوری تەندروست تیایدا.

 
شەربەتی پرۆتین: شەربەتی دەوڵەمەند بە پرۆتین سوودی تەندروستی زۆری هەیە و دەبێتە ژەمێکی گونجاو بۆ پێش خەوتن.