تیمێکی پزیشکی ئیتاڵی لە سنووری پارێزگای دهۆک 19 نەشتەرگەری ئەنجام دەدات

ئاڤا نیوز

نزیکەی 10 ڕۆژە تیمێکی پزیشکی ئیتاڵی لە شاری دهۆکن و نزیکەی 200 چارەخوازیان بینیوە و 19 نەشتەرگەرییان ئەنجام داوە.

چیرۆکی سەرەکی: ڕۆژی 08-11-2025 تیمێکی پزیشکی ئیتاڵی گەیشتنە شاری دهۆک، بە مەبەستی بینینی ژمارەیەک چارەخواز لە سەنتەری ئازادی بۆ نەشتەرگەری و چارەسەرکردنیان بەبێ بەرامبەر.

لێدوانی فەرمی: د. ئەڤراسیاب مووسا، بەڕێوەبەری گشتیی تەندروستی دهۆک؛ بە ئاڤای گوت، "ئەو تیمە لە ماوەی نۆ ڕۆژدا 200 چارەخوازیان بینیوە و 19 نەشتەرگەری قەستەرەی دڵیان بۆ چارەخوازانی سنوورەکە کردووە، لەنێویاندا 17 منداڵ کە لە زکماکییەوە کێشەی دڵیان هەبووە."

زانیاریی زیاتر: ئەو تیمە پزیشکییە ئیتاڵییە، پسپۆڕیان لە نەخۆشییەکانی دڵ هەیە، بەبێ بەرامبەر چارەسەریان بۆ چارەخوازان کردووە، بریارە بەشێکی دیکەی چارەخوازان بنێردرێنە ئیتاڵیا بۆ ئەوەی چارەسەریان بۆ بکرێت.