کۆریای باکوور: ئەگەر ئەمریکا و هاوپەیمانەکانی هێرش بکەنە سەرمان چەکی ئەتۆمی بەکاردەهێنین

ئاڤا نیوز

کۆریای باکوور ڕایدەگەیێنێت بە هەموو توانا سەربازییەکانیەوە وەڵامی هەر هێرشێک دەداتەوە کە بکرێتە سەری.

 

ڕاگەیێندراوی فەرمی: لە ڕاگەیێنراوێکدا کە میدیای فەرمی کۆریای باکوور بڵاوی کردووەتەوە، ئەوە هاتووە کە کۆریای باکوور بێ هیچ دوو دڵییەک وەڵامی هەر هەڕەشەیەک دەداتەوە کە لەلایەن کۆریای باشوور و هاوپەیمانانیەوە بکرێتە سەری و ئەگەر سەروەرییەکەی پێشێل بکرێت، ئەوا هەموو هێزە هێرشبەرییەکانی، لە ناویشیاندا چەکە ئەتۆمییەکانی، بەکاردەهێنێت.

 

لەلایەکی دیکە: گوێرەی میدیای کۆریای باکوور، کیم جۆنگ ئوون، ڕێبەری ئەو وڵاتە، سیئۆل و واشنتن بە تێکدانی ئاشتی و سەقامگیریی ناوچەکە تۆمەتبار دەکات.

 

ئەمەش بزانە: لە ماوەی ڕابردوودا پەیوەندییەکانی نێوان هەردوو کۆریا گەیشتوونەتە خراپترین ئاست لە چەند دەیەی ڕابردوودا و کۆریای باکوور دەستی بە ناردنی باڵۆنی پڕ لە زبڵ بۆ کۆریای باشوور کردووەتەوە.