خێزانەكەی: ناڤالنی ژەهر خوارد كراوە

ئاڤا نیوز

ئەلێكسی ناڤالنی، كەسایەتی ئۆپۆزسیۆنی ڕووسیا سێ ڕۆژە لە زیندان گیانی لە دەستداوە، بەڵام تا ئێستا تەرمەكەی ڕادەستی خێزانەكەی نەكراوەتەوە، هاوژینەكەشی دەڵێت "ژەهرخوارد" كراوە.

ئەوەی ئێستا ڕوودەدات: لە بڕۆكسل گەورە بەرپرسانی ئەوروپا لەگەڵ  یولیا ناڤالنیا هاوژینی ناڤالنی كۆبوونەوە، دەربارەی مردنەكەی قسەیانكرد.

لێدوانی فەرمیی: یولیا ناڤالنیا، هاوژینی ناڤالنی، ڤلادیمیر پووتین سەرۆكی ڕووسیای تۆمەتبار كرد بە "كوشتنی هاوسەرەكەی و دواتر شاردنەوەی جەستەی بۆ دڵنیابوون لە نەمانی شوێنەواری ماددەی ژەهراویی".

زانیاری زیاتر: تەرمی ناڤالنی تەمەن 47 ساڵ، گەیێنراوەتە  نەخۆشخانەی كلینیكی ناوچەی سالخارد، بەڵام لیودمیلا ناڤالنایا دایكی ناڤالنی و پارێزەرەكانی "ڕێگەیان پێنەدراوە بچنە ژوورەوە" دوای ئەوەی گەشتیان كردووە بۆ بینینی تەرمەكەی.پاشان لیژنەی لێكۆڵینەوە گوتوویانە "هێشتا هۆكاری مردنەكەی نادیارە".