ئوردن ڕێگه به ئیسرائیل نادات ئاسمانی وڵاتەکەی له دژی ئێران بەکاربێنێت

ئاڤا نیوز

 

ئوردن ئەو دەنگۆیانە ڕەت دەکاتەوە کە دەگوترێت ڕێگەی بە ئیسرائیل داوە ئاسمانی وڵاتەکەی بۆ هێرشکردنە سەر ئێران بەکاربێنێت.

 

وێنە گەورەکە: دوای زیادبوونی ئاڵۆزییەکان و هێرشە ئاسمانییەکان لەلایەن  ئیسرائیل و ئێران بۆ سەر یەکتر، هەندێک دەنگۆ لە میدیاکانی ئیسرائیل بڵاوکرایەوە، گوایە ئۆردون ڕێگەی بە ئیسرائیل داوە ئاسمانی وڵاتەکەی بۆ هێرشە ئاسمانییەکانی سەر ئێران بەکار بهێنێت.

 

ڕاگەیێنراوی فەرمی: سەرچاوەیەکی باڵای ئوردون ئەو هەواڵانەی ڕەتکردەوە کە لە میدیاکانی ئیسرائیل بڵاوکراونەتەوە، سەبارەت بە بەکارهێنانی ئاسمانی وڵاتی ئوردون لەلایەن ئیسرائیلەوە، ڕایگەیاند هەرگیز ڕێگە نادەین سنووری ئاسمانی وڵاتمان ببەزێنرێت.

 

لەلایەکی دیکەوە: سوپای پاسداران لە 1ی تشرینی یەکەمی 2024 لە بەیاننامەیەکدا ڕایگەیاند: لە وەڵامی پێشێلکردنی سەروەریی کۆماری ئیسلامی ئێران لە تیرۆرکردنی ئیسماعیل هەنیە و کوشتنی سەید حەسەن نەسروڵڵا و فەرماندە عەباس نیلفوروشان، هێزی ئاسمانی سوپای پاسداران بە هاوێشتنی دەیان مووشەکی بالستیکی ئامانجی گرنگی سەربازی و ئەمنی لە ئیسرائیل بۆردومان کرد.

 

ئەمەش بزانە: بە پێی ڕاگەیێنراوی سوپای پاسداران، ئۆپەراسیۆنەکە بە ڕەزامەندی ئەنجوومەنی باڵای ئاسایشی نەتەوەیی و ئاگادارکردنەوەی ئەرکانی گشتی هێزە چەکدارەکان و پشتیوانی سوپای کۆماری ئیسلامی ئێران و وەزارەتی بەرگری کراوە.