سوپای پاسداران هۆشداری دەداتە ئیسرائیل

ئاڤا نیوز

 

فەرماندەی سوپای پاسدارانی ئێران ئاشکرای دەکات هەموو هێزە سەربازییەکانی وڵاتەکەی خراونەتە حاڵەتی ئامادەباشییەوە و ئەگەر ئیسرائیل هەر هێرشێک بکاتەسەریان، بە توندی وەڵامی دەدەنەوە.

 

وێنە گەورەکە: دوای هێرشە مووشەکییەکەی ئێران لە سێشەممەی ڕابردوو بۆسەر ئیسرائیل، تەلئەڤیڤیش بەشێوەی ڕۆژانە ‌هەڕەشەکانی بۆ وەڵامدانەوەی هێرشەکە لە تاران توندتر دەکات و هەڕەشەی کردنە ئامانجی خاکی ئێران دەکات.

 

لێدوانی فەرمی: حوسێن سەلامی، فەرماندەی سوپای پاسدارانی ئێران لە پەیامێکدا ئاماژەی بەوەداوە: هێرشەکەی هەفتەی ڕابردووی ئێران بۆسەر ئیسرائیل سەرکەوتوو و کاریگەر بوو لە تۆڵەی شەهیدانی بەرەی مقاوەمەدا بووە، ئۆپەراسیۆنەکەش هێزی سوپای پاسدارانی بۆ دوژمنانی ئێران و ئەوانەی زیان بە ئاسایشی وڵاتەکەی دەگەیەنن دەرخست.

 

سەلامی وتیشی، بەردەوام دەبن لە پشتیووانی بەرەوی مقاوەمە، ئامادەباشی تەواویشیان هەیە بە بەهێزی و پتەوییەوە وەڵامی هەر هێرشێک دەدەنەوە کە بکرێتەسەریان.