نەتانیاهۆ هەڕەشەی كوشتنی هەموو ئەندامانی حیزبوڵڵا دەکات

ئاڤا نیوز

 

بنیامین نەتانیاهۆ، سەروەکوەزیرانی ئیسرائیل داوا لە هاووڵاتییانی لوبنان دەکات لەو شوێنانە دوورکەونەوە کە چەکدارانی حیزبوڵڵا خۆیان تیایدا حەشارداوە.

 

وێنە گەورەکە: دوای لەشکرکێشی زەمینی سوپای ئیسرائیل و ئاوارەبوونی دەیان هەزار هاووڵاتیی لوبنانی بۆ ناوەوە و دەرەوەی لوبنان و کوژران و بریندار بوونی هەزاران کەس، تادێت دۆخی ئەمنیی و مرۆیی لوبنانییەکان بەهۆی پێکدادانەکانی حیزبوڵڵا و ئیسرائیل خراپتر دەبێت. 

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، ئەوان دەیانەوێت کۆتایی بەکێشەی [ حیزبوڵڵا] بهێنن  و مەترسییەكان لە وڵاتەكەیان دووربخەنەوە.

 

بۆچوونی لایەنی بەرامبەر: حیزبوڵڵای لوبنان ڕایگەیاند، شەوی ڕابردوو ڕێگریان لە گرووپێكی سەربازانی سوپای ئیسرائیل كردووە كە بچنە ناو خاكی باشووری لوبنانەوە.