وەزارەتی پەروەردە دۆسیەی سەرپەرشتیارانی یەدەگ یەکلایی دەکاتەوە

ئاڤا نیوز

 

وا بڕیارە مانگی تشرینی دووەمی ئەمساڵ وەزارەتی پەروەردە بڕیاری تەواو لەسەر دۆسیەی سەرپەرشتیارانی یەدەگ بدات.

 

چیڕۆکە سەرەکییەکە: مانگی ئابی 2022، تاقیکردنەوەی سەرپەرشتیارانی پەروەردەیی ئەنجامدرا، بەشێک لە سەرپەرشتیاران لە تاقیکردنەوەکان دەرچوون، بەڵام بەهۆی پڕبوونەوەی ئەو خواستەی وەزارەتی پەروەردە دیاریکردبوو، ژمارەیەک سەرپەرشتیار وەک یەدەگ مانەوە.

 

لێدوانی فەرمی: د.ئالان حەمە سەعید، وەزیری پەروەردەی حکومەتی هەرێمی کوردستان لە گەشتی هەواڵەکانی کاتژمێر 7:00ی ئاڤا میدیا ڕایگەیاند: دۆسیەکانیان لای ئێمەیە و لیژنەیەکمان ڕاسپاردووە، ئەوان کاری خۆیان تەواو کردووە و مانگی 11 بەپێی پێویستی بەشێوەی ڕیزبەندی ناوەکان دادەنرێت و بڕیاری لێ دەدرێت.

 

زانیاری زیاتر: وەزیری پەروەردە ئەوەشی گوت، لە پڕۆسەکە 384 سەرپەرشتیار بەپێی پێویستی دانراون، هەر چوار قوتابخانە سەرپەرشتیارێکی بۆ دانراوە، بەڵام ژمارەیەک سەرپەرشتیار وەک یەدەگ ناویان دەرچووە و ئەمساڵ بڕیار لەسەر بەشێکی دیکەیان دەدرێت.