شارەوانی هەولێر لە ڕۆژانی پشوو لە کارکردن ناوەستێ

ئاڤا نیوز

ئەگەرچی ئەمڕۆ هەینی پشووە و هەموو کارەکانی حکومەت وەستاون جگە لە کەرتە خزمەتگوزارییەکانی وەک تەندروستی و بەرگری شارستانی نەبێ، بەڵام تیمەکانی شارەوانی لە چەند شوێنێکی هەولێر بەم هەینییە لە کارکردن بەردەوامن.

وێنە گەورەکە: چەندین پڕۆژەی خزمەگوزاری لە سنووری سەرۆکایەتیی شارەوانیی هەولێر، کەوتوونەتە بواری جێبەجیکردن لە پێش هەڵبژاردنی پەرلەمانی عێراق، کاریان تێدا دەکرا و ئیستاش لە ڕۆژانی پشوودا بە گەرم و گوڕییەوە بە دەیان ئەندازیار، کرێکار و ئامێر بۆ تەواو کردنیان کاری تێدا دەکەن.

لێدوانی فەرمی: کارزان عەبدولهادی، سەرۆکی شارەوانی هەولێر بە ئاڤای ڕاگەیاند" تیمەکان تا تەواوکردنی پڕۆژەکان لە ڕۆژانی پشووشدا بەردەوام دەبن لە کارکردن و بە تەواوبوونییان دەچنە خزمەتکردنی هاونیشتیمانییانەوە و کێشە و گرفتەکانی ئەو شوێنانە چارەسەردەکات کە پڕۆژەکەی تێدا کراوە.

ئەمەش بزانە: ئەمڕۆ هەینی، لەسنوری سەرۆکایەتیی شارەوانیی هەولێر، سەرەڕای پشووی فەرمی، کارکردن لەم پڕۆژانەدا بەردەوامن:

٠ پڕۆژەی قیرتاوکردنی شەقامی 100 مەتری لە فولکەی باز بۆ نەخۆشخانەی ڕۆژئاوا.
٠ پڕۆژەی تێکەڵەڕێژکردنی تیمار.
٠ پڕۆژەی گەیاندنی شەقام بۆ توڕەق.
٠ پڕۆژەی نۆژەنکردنەوەی بازاڕی لەنگە.