نێچیرڤان بارزانی: پارتی هیچ کات دەسەڵاتی خۆسەپێن نەبووە

ئاڤا نیوز

 

نێچیرڤان بارزانی جەخت لە گرنگیی هەڵبژاردن دەکاتەوە و ڕایدەگەیێنێ: "ئەم هەڵبژاردنە بۆ کوردستان گرنگە، تاوەکو شەرعیەتی دەزگاکانی نوێ بکاتەوە و گرنگیشە بۆ پارتی تاوەکو سەربکەوێت، چونکە سەرکەوتنی پارتی سەرکەوتنی کوردستانە".

وێنە گەروەکە: سێیەمین کەرنەڤاڵی گەورەی پارتی بۆ سەرخسستنی لیستی 190 لە شاری دهۆک بە ئامادەبوونی هەردوو جێگرانی سەرۆکی پارتی، نێچیرڤان بارزانی و مەسرور بارزانی بەڕێوەچوو و هەردووکیان لە دوو گوتاری جیاوازدا چەند پەیامێکی نوێیان ئاراستەی خەڵکی کوردستان کرد.

 

لێدوانی فەرمی: نێچیرڤان بارزانی وەڵامی لایەنەکانی دایەوە کە دەڵێن 'کۆتایی بە دەسەڵاتی خۆسەپێن دەهێنین' و گوتی: "پارتی هیچ کاتێک خۆسەپێن نەبووە، بە دەنگ و پشتیوانی خەڵک هاتووەتە سەر دەسەڵات و هەمیشە پشتیوانی زۆرینەی خەڵکی کوردستانی هەبووە".

لەلایەکی دیکەوە: جێگری سەرۆکی پارتی بە ئاماژەکردن بەوەی وەکو پارتی ئامانجیان نییە کێبڕکێ لەگەڵ هیچ حیزبێک بکەن، بەڵکو ئامانجیان ئەوەیە لە پێشکەوتن و ئاوەدانی کوردستان ببەنە قۆناغێکی تر، گوتی: "لایەنە سیاسییەکان دەیانەوێت لە پارتی بچن، ئەو لایەنانە تەنیا گلەیی دەکەن، هیچیان بۆ کوردستان نەکردووە".