لە هێرشێکی ئیسرائیل بۆ سەر غەززە 14 کەس دەکوژرێن

ئاڤا نیوز

 

لە هێرشێکی ئیسرائیل بۆ سەر کەمپێکی ئاوارەکان لە غەززە 14 کەس دەکوژرێن کە 8 کەسییان ئەندامی یەک خێزانن. 

 

وێنە گەورەکە: سەرەڕای ئیدانەکردنی هێرشەکانی ئیسرائیل لەلایەن وڵاتانی جیهان و دوای تێپەڕبوونی یەک ساڵ لە شەڕی ئیسرائیل و حەماس، ئیسرائیل هێشتا بەردەوامە لە هێرش کردن بۆ سەر غەززە. 

 

زانیاریی بەدەستهاتوو: بە گوێرەی ڕاگەیێنراوی نەخۆشخانەی ئەقسا، هێزەکانی ئیسرائیل هێرش دەکەنە سەر کەمپی نوسەیرات لە ناوەڕاستی غەززە و 8 کەسی یەک خێزان دەکوژن، لە هەمانکاتدا تانکێکی سوپای ئیسرائیل پەناگەی بورێج تۆپباران دەکات و 6 کەسی دیکەش دەکوژرێن. 

 

زانیاریی زیاتر: پێشتر هیچ ئاگادارکردنەوەیەک بە خەڵکی پەناگەکان نەدرا بوو کە شوێنەکان بەجێ بهێڵن.