فوئاد حوسێن سەردانی ئەوروپا دەکات

ئاڤا نیوز

 

وەزیری دەرەوەی عێراق گەشتێكی بۆ چەند وڵاتێکی ئەوروپا دەستپێکرد و پرسی جەنگی ناوچەکە تەوەری سەرەکیی گفتوگۆکان دەبن، هاوکات بڕیارە ژمارەیەک باڵیۆزخانە لە چەند وڵاتێکی ئەوروپا بکاتەوە.

 

ڕاگەیێنراوی فەرمی: فوئاد حوسێن، وەزیری دەرەوەی عێراق لە تۆڕی کۆمەڵایەتی 'ئێکس' بڵاویکردەوە: ئەمڕۆ بەغدای پایتەختی بەرەو ئەوروپا جێهێشت، لەو گەشتەدا لەگەڵ بەرپرسانی هەریەک لە وڵاتانی ئێرلەندا، چیک، کرواتیا و فەڕەنسا کۆدەبێتەوە ئەمەش لەپێناو پتەوترکردنی پەیوەندییە دووقۆڵییەکان و تیشک خستنە سەر ئەو دۆخە مەترسیدارەی ناوچەکە پێیدا تێدەپەڕێت و دوورخستنەوەی شەڕ لە عێراق.

 

زانیاریی زیاتر: وەزیری دەرەوە بەشداری لە ژمارەیەک پانێڵ و کۆنفرانس دەکات.

 

ئەوەی پێشبینی دەکرێت: هاوکات لە سەردانەکەیدا فوئاد حوسێن باڵیۆزخانەی عێراق لە هەر یەکە لە دبلنی پایتەختی ئێرلەندا و زەگربی پایتەختی کڕواتیا دەکاتەوە.