د.محەممەد خورشید: بەهۆی 16ـی ئۆکتۆبەر زۆربەی پۆستەکان لە کورد وەرگیرانەوە

ئاڤا نیوز

 

کاریگەریی و لێکەوتەکانی داگیرکردنی کەرکووک بەهۆی خیانەکەی 16ـی ئۆکتۆبەری 2017 کە لەلایەن سەرانی یەکێتییەوە کران، هێشتا بەردەوامن لەسەر خەڵکی ناوچەکە.

 

وێنە گەورەکە: ئەمرۆ حەو ساڵ بەسەر خیانەتەکەی 16ـی ئۆکتۆبەر تێدەپەڕێت، لەم ڕۆژەدا لەلایەن بەشێک لە سەرکردەکانی یەکێتی بڕیاری کشانەوەی هێزەکانی پێشمەرگە درا، ئەو شارەیان ڕادەستی سوپای عێراق و حەشدی شەعبی کرد، کە بووە هۆی ئاوارەبوونی هەزاران هاونیشتمانی کورد.

 

لێدوانی فەرمی: د.محەممەد خورشید، ئەندامی سەرکردایەتیی پارتی دیموکراتی کوردستان بۆ ئاڤا نیوز ڕایگەیاند: بەشێک لە سەرکردەکانی یەکێتی بۆ وەرگرتنی پۆستی پارێزگاری کەرکووک ڕێککەوتنیان لەگەڵ هێزەکانی عێراق کردووە لە بەرامبەردا زۆربەی پۆستە باڵاکانی ئەو پارێزگایە ڕادەستی عەرەب و تورکمانەکان کران. 

 

محەممەد خورشید، باسی لەوەش کرد، داگیرکردنی کەرکووک بووە هۆی قەدەغەکردنی هەڵکردنی ئاڵای کوردستان و قەدەغەکردنی ئازادی هاونیشتمانیان.

 

کاریگەری و لێکەوتەکان: بەهۆی ڕووداوەکانی 16ـی ئۆکتۆبەر زۆربەی پۆستە گرینگەکانی کەرکووک لە کورد وەرگیران و ئومێدێک نییە بۆ گەڕاندنەوەی ئەو پۆستانە بۆ کورد.