لە هەرێمی کوردستان 55 هەزار دۆنم زەویی دێمی بەراو دەکرێن

ئاڤا نیوز

 

بە بەرنامەیەکی تۆکمە حکومەتی هەرێمی کوردستان كار لەسەر بەراوكردنی زەوییە دێمەكان دەكات، تەنیا لە سەردەمی كابینەی نۆدا توانراوە 55 هەزار دۆنم زەوی لە وشكبوون ڕزگار بكرێت.

 

لێدوانی فەرمی: د.کاروان سەباح، بەرێوەبەری گشتیی سەرچاوەکانی ئاوی هەرێمی کوردستان، بە ئاڤا نیوزی ڕاگەیاند: لە کابینەی نۆدا  55 هەزار دۆنم زەوی دێمی و وشک لە ڕێگەی پۆند و پرۆژەکانی ئاودێری و ڕێکخستنەوەی بیرە یاساییەکان  بەراو دەکرێن.

 

زانیاریی زیاتر:  لە کابینەی نۆی حکومەتی هەرێمی کوردستان بڕیاری دروستکردنی 50 پۆند دراوە، توانراوە 10  پۆند تەواو بکرێن و 40 پۆندی دیکەش لە بواری جێبەجێکردندان، کۆی گشتیی پۆندەکانی هەرێمی کوردستان 126 پۆندە.

 

ئەوەی پێویستە بیزانیت: لە ڕێگەی پۆندەکانەوە دەیان ملیۆن مەتر سێجا ئاو گلدەدرێتەوە، ئەمەش سودی زۆر بە کەرتی کشتوکاڵ و ئاژەڵداری دەگەیەنێت، لەلایەکی دیکەشەوە کاریگەریی ئەرێنی لەسەر زیادبوونی ئاوی ژێر زەوی دەبێت.