دابەشكردنی زەوی بەسەر فەرمانبەران لە سلێمانیش دەستپێدەكات

ئاڤا نیوز

 

دوێنێ لە ئیدارەی سەربەخۆی زاخۆ و ئەمڕۆ لە هەولێر قۆناغی یەكەمی دابەشكردنی زەوی بەسەر فەرمانبەران دەستیپێكرد و هەر ئەمڕۆ لە سلێمانیش دەستپێدەكات.

 

وێنەكە گەورەكە: بە فەرمانی سەرۆكوەزیران مەسرور بارزانی، بەپێی چەند مەرج و ڕێككارێك، زەوی بەسەر سەرجەم ئەو فەرمانبەرانە دابەش دەكرێت كە پێشووتر لە دابەشكردنی زەوی سوودمەند نەبوونە.

 

لێدوانی فەرمی: ساسان عەونی، وەزیری شارەوانی و گەشتوگوزار ڕایگەیاند: ئەمڕۆ لە سەرۆكایەتیی شارەوانیی سلێمانی 6 هەزار و 577 پارچە زەوی وەك قۆناغی یەكەم دابەش دەكرێت.

 

لەلایەكی دیكەوە: وەزیری شارەوانی ئاماژەی بە ئەوە دا كە لە سنووری ئیدارەی سەربەخۆی گەرمیانیش بۆ قۆناغی یەكەم ڕەزامەندی لەسەر 2 هەزار 474 پارچە زەوی دراوە. 

 

ئەوەش بزانە: ڕۆژی چوارشەممە 16-10-2024، هەزار و 241 پارچە زەوی لە زاخۆ و ئەمڕۆش پێنج هەزار پارچە زەوی وەك قۆناغی یەكەم بەسەر فەرمانبەرانی هەرێمی كوردستان دابەش كران.