بەهۆی هەڵبژاردن دوو ڕۆژ پشووی فەرمی ڕاگەیێنرا

ئاڤا نیوز

 

حکومەتی هەرێمی کوردستان بەبۆنەی بەڕێوەچوونی پڕۆسەی هەڵبژاردن بۆ خولی شەشەمی پەرلەمانی کوردستان، دوو ڕۆژ پشووی فەرمی ڕاگەیاند. 

 

وێنە گەورەکە: ڕۆژی یەکشەممەی داهاتوو 20-10-2024، هەڵبژاردنی گشتیی بۆ خولی شەشەمی پەرلەمانی كوردستان دەکرێت. دوو ملیۆن و 899 هەزار و 615 دەنگدەر مافی بەشداریکردنیان لە هەڵبژاردنی پەرلەمانی کوردستان هەیە.

 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان، لە ڕاگەیێنراوێکدا ئاماژەی بەوە داوە ڕۆژانی شەممە و یەکشەممە 19و 20 ی تشرینی یەکەم، لە سەرجەم دامودەزگا فەرمییەکانی هەرێمی کوردستان پشووی فەرمی دەبێت.

 

زانیاریی زیاتر: ڕۆژی دووشەممە، 21ی تشرینی یەكەمی 2024، دەوامی فەرمی دەستپێدەکاتەوە.