کۆمیسیۆن: دەنگدانی تایبەت هیچ کێشە و پێشێلکارییەکی تێدا نەبووە

ئاڤا نیوز

 

کۆمیسیۆنی هەڵبژاردنەکانی عێراق ڕایگەیاند، دەنگدانی تایبەت بۆ هەڵبژاردنی پەرلەمانی کوردستان بەشێوەیەکی شەفاف و پاک و بێگەرد بەڕێوەچوو و هیچ کێشە و پێشێلکارییەکی جێگەی باسی تێدا نەبووە.

 

وێنە گەورەکە: ڕۆژی هەینی 18ی تشرینی یەکەمی 2024، دەنگدانی تایبەت بۆ هەڵبژاردنی پەرلەمانی کوردستان بەڕێوەچوو و تیایدا 215 هەزار و 960 کەس مافی دەنگدانیان هەبوو، کۆمیسیۆن دەڵێت، ڕێژەی بەشداری لە دەنگدانی تایبەتدا 97% بووە.

 

ڕاگەیێنراوی فەرمی: کۆمیسیۆنی هەڵبژاردنەکانی عێراق لە ڕاگەیێنراوێکدا ئاماژەی بەوەش کردووە، دەنگدانی تایبەت بۆ هەڵبژاردنی پەرلەمانی کوردستان لەلایەن نەتەوە یەکگرتووەکان، چاودێرانی ناوخۆ و نێودەوڵەتیی، ڕێکخراوەکانی کۆمەڵگەی مەدەنیی و دەزگاکانی ڕاگەیاندنەوە چاودێری کرا و تایبەت هیچ کێشە و پێشێلکارییەکی تێدا تۆمار نەکراوە کە جێگەی باسکردن بێت.

 

ئەوەشی خستووەتەڕوو، دەنگدانی تایبەت بەشێوەیەکی شەفاف و پاکوبێگەرد بەڕێوەچوو و هیوادارە لە دەنگدانی گشتیشدا هاوشێوەی دەنگدانی تایبەت، هاووڵاتییان بە گەرموگوڕییەوە بەشدار دەنگدان بکەن.