ئۆباما بانگەشە بۆ هاریس دەکات

ئاڤا نیوز

باراک ئۆباما بانگەشە بۆ کامالا هاریس دەکات و توانای ترەمپ دەخاتە ژێر پرسیارەوە

 

وێنە گەورەکە: باراک ئۆباما لە ویلایەتی ئەریزۆنای ئەمریکا بانگەشەی هەڵبژاردنی بۆ کامالا هاریس کاندیدی دیموکراتەکان کرد، تەمەن و توانای کردووەتە بیانوویەک بۆ هێرشکردنە سەر دۆناڵد ترەمپ لە بانگەشەکاندا. 

 

لەلایەکی ترەوە: کامالا هاریس و هاوپەیمانەکانی لە هەڵمەتی هەڵبژاردنەکانی ئەمریکا جەخت لەسەر توانای دۆناڵد ترەمپ دەکەنەوە و دەڵێن: "ترەمپ ئەوەندە گەنج نییە تا بەرپرسیارییەتی بگرێتە ئەستۆ، لە ڕووی دەروونیشەوە تەندروست نییە کە بتوانێت خولێکی دیکە لە کۆشکی سپیدا خزمەت بکات، ئاماژە بەوەش دەکەن کە ترەمپ کاتێک بانگەشە دەکات ناتوانیت لێی تێبگەیت و کەس نازانێت دەربارەی چی قسە دەکات".

 

باکگراوند: کاندیدبوونی کامالا هاریس لە کاتێکدایە کە جۆ بایدن، سەرۆکی ئەمریکا و بەربژێری کۆمارییەکان بۆ هەڵبژاردنەکانی سەرۆکایەتیی ئەمریکا، کشانەوەی خۆی لە کێبڕکێی سەرۆکایەتی ڕاگەیاند و پاڵپشتیی خۆی بۆ کامالا هاریسی جێگری لەو کێبڕكێیەدا ڕاگەیاند.