ئارین مەسرور بارزانی وەک یەکەم کەس لە هەرێمی کوردستان دەنگی دا

ئاڤا نیوز

 

کاتژمێر 07:00ـی سەرلەبەیانی ئەمڕۆ لەگەڵ کردنەوەی بنکەکانی دەنگدان ئارین مەسرور بارزانی وەک یەکەمین کەس لە هەرێمی کوردستان لە بنکەیەکی دەنگدان لە پیرمام دەنگی دا و بەشداریی لە پرۆسەی هەڵبژاردنی پەرلەمانی کوردستان کرد.

 

وێنە گەورەکە: لە هەر چوار بازنەی هەرێمی کوردستان ژمارەی ئەوانەی مافی دەنگدانیان و کارتی بایۆمەتریان هەیە، دوو ملیۆن و 683 هەزار و 618 کەسە، لە دوو هەزار و 266 بنکە دەنگ دەدەن؛ لە هەولێر 498 بنکە، لە سلێمانی 477 بنکە، لە دهۆک 264 بنکە و لە هەڵەبجە 27 بنکە.

 

ئەوەی پێویستە بیزانیت:  ئارین مەسرور بارزانی بووە یەکەمین کەس لەسەرتاسەری هەرێمی کوردستان دەنگ بدات و بەشداری لە پڕۆسەی هەڵبژاردندا بکات.

 

زانیاریی زیاتر: بۆ 100 کورسی خولی شەشەمی پەرلەمانی کوردستان هەزار و 191 کاندید کێبڕکێ دەکەن، لەو ژمارەیە 823 کەسیان پیاون و 368ـیان ئافرەتن. کورسییەکانی پەرلەمان 95 کورسی گشتی و پێنج کورسی کۆتان، 38 کاندید کێبڕکێی کورسییەکانی کۆتا دەکەن.