کوردانی تاراوگە بە ئومێدێکی زۆرەوە لە هەڵبژاردنی کوردستان دەڕوانن

ئاڤا نیوز 

 

پرۆسەی ‌هەڵبژاردنی گشتیی بۆ پەرلەمانی کوردستان بەردەوامی هەیە، کوردانی دەرەوەی هەرێمی کوردستانیش چاویان لە ئەنجامەکانی ئەم هەڵبژاردنەیە.

 

وێنە گەورەکە: ئەمرۆ دوو شەممە 20-10-2024، هەڵبژاردن بۆ خولی شەشەمی پەرلەمانی کوردستان دەستیپێکرد، هاووڵاتییان لە بەرەبەیانی زووەوە ڕوویان لە ناوەندەکانی دەنگدان کردووە، بەشێکی زۆر لە کوردانی دانیشتووی هەرێمی کوردستانیش چاویان لە ئەنجامەکانە.

 

لێدوانی فەرمی: شیلان ئاستەیی، چالاکوان و چاودێری سیاسی لە بەریتانیا بە ئاڤا نیوزی ڕاگەیاند: "ئێمە وەک تاکێکی کورد لە بەریتانیا ئەم هەڵبژاردنە بە گرنگ و چارەنووسساز دەزانین بۆ دیاریکردنی حکومەتێکی خاوەن توانا بۆ پشتیووانی لە ڕەوەندی کورد لە دەرەوە". 

 

زانیاری بەدەستهاتوو: ئەم هەڵبژاردنەش گرنگی تایبەتی خۆی هەیە بۆ کوردانی دەرەوەی وڵات، بەتایبەت بۆ ئەو هاووڵاتییانەی لە بوارە جیاوازەکاندا کار دەکەن لەوانە، خوێندنی باڵا و تەندروستی و بازرگانی، بۆیە ئەمەش کاریگەریی دەبێت لەسەر جێبەجێکردنی  کاروبارە یاساییەکانی ئەو هاونیشتمانییانە.

 

بۆچی گرنگە: بەشێک زۆر لەو هاووڵاتییانەی لە دەرەوەی هەرێمی کوردسانن هاتوونەتەوە ناوخۆ بۆ ئەوەی بەشداریی لە دەنگدان بکەن. 

 

ئەوەی پێشبینی دەکرێت: بەشێکی زۆر لەو هاووڵاتییانەی لە دەرەوەی هەرێمی کوردستان، کاروباری کابینەی 10یەمی حکومەتی هەرێمی کوردستان بە قورس دەزانن، بەهۆی ئەو ئاستەنگیانەی لەلایەن حکومەتی فیدراڵییەوە بۆی دروستکراوە و لەگەڵ بەشێک لە پارت و لایەنە ناوخۆییەکان کە بەرهەڵستی لە چاکسازیی دەکەن .