لە ناوچە شاخاوییەکان بەفربارین دەستپێدەکات

ئاڤا نیوز

 

کەشناسی ڕایگەیاندووە، ئەم دوو ڕۆژە پلەکانی گەرما دادەبەزن و سبەی ئێوارە لەناوچە شاخاوییەکان بەفر و نمە باران دەبارێت.

 

ئەوەی پێویستە بیزانیت: بەشی پێشبینی کەشناسی وەزارەتی گواستنەوە و گەیاندنی حکومەتی هەرێمی کوردستان، پێشبینییەکانی گۆڕانکاری کەشوهەوای 24 کاتژمێری داهاتووی دیاریکردووە. ئەمڕۆ و بەیانی پلەکانی گەرما یەک تا سێ پلە دادەبەزن و سبەی لە بەشی باکووری خۆرهەڵات بە تایبەت لە ناوچە شاخاوییەکان بەفر و نمە باران دەبارێت.

 

زانیاریی زیاتر: پێشبینییەکان ئەوەن ئەمڕۆ دووشەممە ئاسمان ساماڵ دەبێ لەگەڵ بوونی پەڵە هەوری جیاجیا، ئاراستەی با بەرەو باکووری خۆرئاوا دەبێت خێراییەکەی 10 بۆ 20 کیلۆمەتر دەبێت لە کاتژمێرێکدا.

 

ژمارەکان وادەڵێن: پلەکانی گەرما بۆ سبەی سێشەممە بەمجۆرە دەبێت:

 

هەولێر : 21 پلەى سیلیزى
سلێمانی:  19 پلەى سیلیزى
دهۆک:   20پلەى سیلیزى
کەرکوک: 22 پلەى سیلیزى
هەڵەبجە : 22 پلەى سیلیزى
زاخۆ:  21 پلەى سیلیزى
حاجی ئۆمەران : 11 پلەى سیلیزى
سۆران:  18 پلەى سیلیزى