شارەوانی سلێمانی: سەرۆکوەزیران ئاستەنگەکانی بەردەم شەقامی 100 مەتری نەهێشت

ئاڤا نیوز

 

کارکردن لە شەقامی 100 مەتری سلێمانی بەردەوامە، شارەوانی سلێمانیش دەڵێت 'دوای سەردانەکەی سەرۆکوەزیران ئێستا هیچ ئاستەنگێک لە پێش کارکردن لەو شەقامەدا نەماوە'.

بۆچی گرنگە: شەقامەکە سەرەڕای ئەوەی سیمایەکی نوێ بە شارەکە دەدات، دەبێتە هۆی کەمکردنەوەی ئاستەنگی هاتوچۆ و کار ئاسانی زیاتر دەکات بۆ شۆفێران.

لێدوانی فەرمی: زەردەشت ڕەفیق، وتەبێژی شارەوانی سلێمانی، بە ئاڤا نیوزی ڕاگەیاند: "کارکردن لە شەقامی 100 مەتری سلێمانی بەردەوامە، دوای سەردانەکەی سەرۆکوەزیران بۆ شارەکە هیچ ئاستەنگییەک نەماوە و گرفتەکان چارەسەرکراون، چونکە بەڵێنیان داوە هاوکار بن".

وتەبێژی شارەوانی سلێمانی دەڵێت: ''تاوەکو ئێستا 60٪ی کارەکانی شەقامەکە تەواو کراون، ئەگەر کەشوهەوا گونجاوبێت، ئەوا قۆناغەکانی دیکەش تەواو دەکرێن".

 

زانیاریی زیاتر: شەقامی 100مەتری سلێمانی حەوت یەکتربڕ، پێنج ئەندەرپاس، یەک ئۆڤەرپاس، 67 ئاوبارەی کۆنکرێتی، پردێک لە خۆ دەگرێت.

باکگراوند: لە 11ی تەمووزی 2020 سەرۆکوەزیران مەسرور بارزانی، بەردی بناغەی شەقامی 100 مەتری سلێمانی دانا.