20 هەزار مووچەخۆری نوێ لە 'هەژماری من' مووچە وەردەگرن

ئاڤا نیوز

 

بۆ ئەم مانگە 20 هەزار مووچەخۆری دیکە لە ڕێگەی 'هەژماری من'ەوە مووچە وەردەگرن، تیمی هەژماری من دەڵێت 'تاوەکو کۆتایی ئەمساڵ هەموو مووچەخۆران تۆمار دەکەین'.

 

لێدوانی فەرمی: سەرچاوەیەک لە تیمی هەژماری من بە ئاڤا نیوزی گوت: بۆ ئەم مانگە 20 هەزار مووچەخۆری نوێ دەتوانن مووچەکانیان لە 'هەژماری من' وەربگرن.

 

ژمارەکان وادەڵێن: لە هەولێر 143 هەزار و 400 ، کەرکووک 500 ،  سلێمانی چوار هەزار و 500، دهۆک چوار هەزار و 400 مووچەخۆر لە پرۆژەی هەژماری من مووچەکانیان وەردەگرن، کۆی گشتیی 153 هەزار مووچەخۆرن.

 

زانیاریی زیاتر: 610 هەزار مووچەخۆر لە پرۆژەی هەژماری من تۆمارکراون، بەگوێرەی زانیارییەکان تاوەکو کۆتایی ئەمساڵ 200 هەزار مووچەخۆر دەتوانن مووچەکانیان لە هەژماری منەوە وەربگرن، هاوکات تەواوی مووچەخۆران کە یەک ملیۆن و 200 هەزار کەسن لە پرۆژەکەدا تۆمار دەکرێن.