بەهۆی هەبوونی بەکتریا لە ساندویجێک پشکەکانی ماکدۆناڵدز بەڕێژەی 6% دادەبەزن

ئاڤا نیوز

 

لە ویلایەتە یەکگرتووەکانی ئەمریکا بەهۆی پێکهاتەکانی ناو ساندەویچێکی ماکدۆناڵدز کەسێک گیانی لەدەستدا و دەیان کەسی دیکەش تووشی بەکترایا بوون.

 

ڕاگەیێنراوی فەرمی: سەنتەری کۆنتڕۆڵکردن و خۆپاراستن لە نەخۆشی لە ئەمریکا ڕایگەیاند: بەهۆی خواردنی ساندەویچێکی ماکدۆناڵدز کەسێک گیانی لەدەستداوە و 75 کەسی دیکەش لە 13 ویلایەتی جیاوازی ئەمریکا تووشی بەکتریای (E.coli) بوون.

 

ئەمەش بزانە: بڵاوبوونەوەی ئەم جۆرە بەکتریایە بەهۆی ساندەویچی کوارتەر پاوندەرەوەیە کە یەکێکە لە خواردنە بەناوبانگەکانی مینۆی ماکدۆناڵدز، تائێستا  22 کەس لە نەخۆشخانە چارەسەر وەردەگرن.

 

ئەوەی پێویستە بیزانیت:  نیشانەکانی بەکتریای (E.coli) بە نزیکەیی دوو بۆ پێنج ڕۆژ دوای بەرکەوتن بە بەکتریاکە دەردەکەون و پێنج بۆ حەوت ڕۆژی پێدەچێت تا کەسەکە چاک دەبێتەوە ە، نیشانەکانی بریتین لە: ئازار و ژانی گەدە، سکچوون، ڕشانەوە و بێهێزی.

 

زانیاریی زیاتر: بەهۆی بڵابوونەوەی ئەم بەکتریایە پشکەکانی ماکدۆناڵدز بە ڕێژەی %6  دابەزین کە گەورەترین زنجیرە ڕێستوڕانتی خواردنی خێرایە لە جیهان.

 

ئەوەی پێشبینی دەکرێت:  دوو توشبوو سکاڵایان  تۆمارکردووە ئەگەر بێتوو ئەگەر دادگا لە بەرژەوەندییان بڕیار بدات، ئەوا هەر یەکێکیان بڕی 50 هەزار دۆلاری ئەمریکی وەک قەرەبوو وەردەگرن.