پلاندانانی عێراق لە ئامادەکارییەکانی بۆ ئەنجامدانی سەرژمێریی گشتی دانیشتووان بەردەوامە

ئاڤا نیوز

 

ئەنجامدانی سەرژمێریی گشتیی دانیشتووان لە عێراق کەمتر لە مانگێکی ماوە و وەزارەتی پلاندانانی عێراق بەشێکی زۆری ئامادەکارییەکانی پڕۆسەکەی تەواو کردووە.

 

وێنە گەورەکە: بڕیارە ڕۆژی 2024/11/20، پرۆسەی سەرژمێری سەرتاسەریی دانیشتووان لە هەرێمی کوردستان و عێراق ئەنجام بدرێت و دوو ڕۆژ دەخایەنێت و لە سەرجەم دامودەزگا حکومییەکان دەکرێتە پشوو.

 

زانیاریی بەدەستهاتوو: بەپێی وەزارەتی پلاندانانی عێراق، ئامادەکارییەکان قۆناغی باشی بڕیوە و پرۆسەی گەمارۆسازی و ژمارەدان نزیکە لەوەی تەواو ببێت لە زۆربەی پارێزگاکان، لە هەندێک پارێزگا گەیشتووە 98٪ و لە هەندێک پارێزگاش تەواو بووە.

 

بۆچی گرنگە: پڕۆسەی سەرژمێریی بۆ هەرێمی کوردستان گرنگە بۆ دیاریکردنی ژمارەی دانیشتووان، پرسی بوودجە، هەڵبژاردن، بابەتی دەستوور و پێشێلکارییەکان.

 

کاریگەری و لێکەوتەکان: ئەگەری هەیە ڕێژەی گەشەی دانیشتووانی هەرێمی کوردستان کەمتر بێت لە چاو عێراق، ئەمەش مەترسیی لەسەر کەمکردنەوەی بەشە بودجەی هەرێمی کوردستان دروست دەکات.

 

ئەوەی پێویستە بیزانیت: دوایین جار سەرژمێریی دانیشتووان لە عێراق کرا لە ساڵی 1997 بوو، بەڵام ئەو کاتە هەرێمی کوردستانی نەگرتەوە، بەهۆی ئەوەی دەسەڵاتی سەربەخۆی هەبوو. کۆتا جاریش سەرژمێریی بۆ ناوچەکانی هەرێمی کوردستان لە ساڵی 1987 لەگەڵ عێراق کراوە.