میشێل ئۆباما بانگەشە بۆ کامالا هاریس دەکات

ئاڤا نیوز

 

هەڵمەتی بانگەشە بۆ پۆستی سەرۆکایەتیی ئەمریکا لە نێوان کامالا هاریس، کاندیدی دیموکراتەکان و دۆناڵد ترەمپ، کاندیدی کۆمارییەکان بەردەوامە.

 

وێنە گەورەکە: لەسەرەتای هەڵمەتەکانی هەڵبژاردنەوە زۆرێک لە سەرۆک و کەسانی بەناوبانگ پاڵپشتی خۆیان بۆ ترەمپ و کامالا دوو کاندیدەکەی هەڵبژاردنەکانی سەرۆکایەتیی ئەمریکا دەربڕی. میشێل ئۆباما، خانمی یەکەمی پێشووی ئەمریکا لە یەکەم دەرکەوتنیدا لە هەڵمەتی هەڵبژاردنەکاندا بۆ پاڵپشتی لە کامالا هاریس، دەستی بە بانگەشە کرد.

 

لێدوانی فەرمی: میشێل ئۆباما داوای لە ئەمریکییەکان کرد بۆ پاراستنی وڵاتەکەیان لە مەترسیەکانی دۆناڵد ترەمپ دەنگ بە کامالا هاریس بدەن. هاوکات لە وتارەکەیدا لە ویلایەتی میشیگان وتی، هەڵبژاردنەکە زۆر نزیکە و کاتی ئەوەیە کەسێکی دروست بۆ سەرۆکایەتی هەڵبژێرین.

 

باکگراوند: 5-11ـی ئەمساڵ هەڵبژاردنی سەرۆکایەتیی ئەمریکا بەرێوەدەچێت، ڕاپرسییەکان دەریدەخەن ترەمپ و کامالا لە میشیگان لە کێبڕکێیەکی قورسدان. هاریس بە جیاوازییەکی زۆر کەم لە پێش ترەمپە.