چین لە مانۆڕێکی سەربازیدا گەمارۆدانی تایوان تاقی دەکاتەوە

ئاڤا نیوز

چین مانۆڕێکی سەربازیی بەرفراوانی لە دەوروبەری تایوان دەستپێکرد و گەمارۆدانی ئەو دوورگەیە تاقی دەکاتەوە. 

 

چیرۆکی سەرەکی: سوپای چین بە بەشداریی دەیان فڕۆکە و کەشتیی جەنگی و مووشەکی دوورمەودا لەم مانۆڕەدا پەیامێکی توند ئاڕاستەی تایوان و ئەمریکا دەکات و ڕایگەیاندووە "هەر هەوڵێک بۆ جوداخوازی، سزای توندی بەدواوە دەبێت."

 

بۆچوونی لایەنی بەرامبەر: دەسەڵاتدارانی تایوان دەڵێن: تەنیا لە ڕۆژی سێشەممەدا، 30-12-2025، کە ڕۆژی دوومی مانۆڕەکە بووە، 27 مووشەک لەلایەن چینەوە تەقێنراون. 

 

هاوکات، لای چینگ تێ، سەرۆکی تایوان، سەرکۆنەی مانۆڕەکەی کرد و بە "پاساوێکی بێ بنەما بۆ تێکدانی سەقامگیریی ناوچەکە"ی ناوی برد.

 

ئەوەی لەبارەیەوە دەگوترێت: ژاپۆن هۆشداری داوە کە هەر هێرشێکی سەربازی بۆ سەر تایوان، ڕەنگە کاردانەوەی سەربازیی تۆکیۆی بەدواوە بێت.

 

هۆکارە زانراوەکان: ئەم گرژییانە دوای ئەوە دێن کە ئەمریکا گرێبەستێکی نوێی فرۆشتنی چەکی بە تایوان واژۆ کرد. پەکین دەڵێت ئەمە بەزاندنی هێڵە سوورەکانە.