ئاسایشی هەولێر دەستگیرکردنی تۆمەتباری کوشتنی ژن و پیاوەکەی شاوێسی ڕاگەیاند

ئاڤا نیوز

 

بەڕێوەبەرایەتییی ئاسایشی هەولێر دەستگیر کردنی تۆمەتباری کوشتنی ئەو ئافرەت و پیاوەی ڕاگەیاند کە شەوی ڕابردوو لە کۆمەڵگەی شاوێس لە هەولێر کوژران.

 

ڕاگەیێنراوی فەرمی: بەڕێوەبەرایەتیی ئاسایشی هەولێر ڕایگەیاند، "دوای ئەوەی لە شەوی ڕابردوو ڕێککەوتی 29-12-2025، لە تاوانێکی کوشتن لە کۆمەڵگای شاوێسی سەر بە پارێزگای هەولێر ئاگادار کراینەوە، دەستبەجێ لەلایەن تیمەکانمانەوە دەست بە بەدواداچوون کرا".

 

- "بە فەرمانی دادوەری لێکۆڵینەوەی ئاسایشی هەولێر تۆمەتبارێکمان دەستگیر کرد بەناوی (ی، ف، ر)، لە لێکۆڵینەوەی سەرەتایی دانی بە تاوانەکەیدا ناوە کە لە سەر کێشەیەکی کۆنی کۆمەڵایەتی هەڵساوە بە کوشتنی ئافرەتێک و پیاوێک  بەناوەکانی (أ، ف، ر) و (و،  ا).

ئەمەش بزانە: ئاسایشی هەولێر ئاشکرای دەکات، ڕێکاری  یاسایی بەرامبەر تۆمەتبار گیراوەتەبەر و پەڕاوی لێکۆڵینەوەی ئاراستەی دادگا کراوە.