سەرکردەیەکی کۆمەڵ: بە مەرج دەگەڕێینەوە پەرلەمان

ئاڤا نیوز

 

ئەندامێکی ئەنجوومەنی باڵای کۆمەڵی دادگەری ڕایدەگەیەنێت، ئەگەر کۆمیسیۆن ژمارەی ڕاستەقینەی دەنگدەرانمان دەربخات، سەرکردایەتیی بڕیار لە گەڕانەوەمان بۆ پەرلەمان دەدات.

وێنە گەورەکە: 20ـی ئۆکتۆبەر پڕۆسەی هەڵبژاردن بۆ خولی شەشەمی پەرلەمانی کوردستان بەڕێوەچوو، کۆمیسیۆنی باڵای سەربەخۆی هەڵبژاردنەکان دوای 24  کاتژمێر ئەنجامی بەرایی ڕاگەیاند، هاوکات بەشێک لە کاندیدە سەربەخۆکان و ئەو هێزانەی دەنگیان کەمیک کردووە ئەنجامەکانیان ڕەتکردەوە و باس لە بوونی ساختەکاری دەکەن.

 

لێدوانی فەرمی: شوان ڕابەر، ئەندامی ئەنجوومەنی باڵای کۆمەڵی دادگەریی کوردستان سەبارەت بە ئەگەری گەڕانەوە و بەشداری کردنیان لە خولی داهاتووی پەرلەمانی کوردستان دەڵێت: ئەگەر ژمارەی ڕاستەقینەی دەنگدەرانمان دەربکەوێت، ئەوکات سەرکردایەتییمان بڕیار لە گەڕانەوەمان بۆ پەرلەمان دەدات.

 

شوان ڕابەر لە درێژەی قسەکانیشیدا باسی لەوەکرد: لۆژیک نییە بەو ئەندازەیە ژمارەی کورسییەکانمان کەم بکات و دەنگمان دیار نەمێنێت.