کۆمیسیۆن: لە دوو ڕۆژی داهاتوو ئەنجامی کۆتایی هەڵبژاردن ڕادەگەیێنین

ئاڤا نیوز

کۆمیسیۆنی هەڵبژاردنەکانی عێراق ئاشکرای دەکات، 198 سکاڵا لە هەڵبژاردنی پەرلەمانی کوردستان تۆمارکراون و زۆینەیان لە ڕۆژی دەنگدانی گشتی بووە، لە دوو ڕۆژی داهاتووش ئەنجامی کۆتایی هەڵبژاردن ڕادەگەیێنرێت.

وێنە گەورەکە: دوای تێپەڕبوونی هەشت ڕۆژ بەسەر هەڵبژاردنی پەرلەمانی کوردستان، تائێستا 71 سکاڵا لە ڕۆژی دەنگدانی تایبەت و 120 سکاڵا لە ڕۆژی دەنگدانی گشتی و حەوت سکاڵاش لەسەر ناوەندی وردبینیکردنی تایبەت بە هەڵبژاردن تۆمارکراون.

 

لێدوانی فەرمی: نەبەرد عومەر، سەرۆکی دەستەی هەڵبژاردنەکانی کوردستان لە کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی گوت: "ڕاگەیاندنی ئەنجامی کۆتایی هەڵبژاردن زۆر دواناکەوێت لە دوو ڕۆژی داهاتوو بڵاوی دەکەینەوە".

 

ئەمەش بزانە: دوای ڕاگەیاندنی ئەنجامی کۆتایی، لایەنەکان دەتوانن تانە لە ئەنجامەکان و شێوازی دەنگدان و ڕێکارەکانی کۆمیسیۆن بدەن و، سکاڵاکان پێشکەش بە دەستەی دادوەری هەڵبژاردن دەکرێن.