شاندێکی هەرێمی کوردستان بۆ پرسی سەرژمێری گەیشتە بەغدا

ئاڤا نیوز

 

شاندێکی باڵای  حکومەتی هەرێمی کوردستان بۆ گفتوگۆکردن لەبارەی پرسی سەرژمێریی گشتیی دانیشتووان گەیشتە بەغدا.

ڕاگەیێنراوی فەرمی: شاندەکە بەسەرۆکایەتیی د. دارا ڕەشید، وەزیری پلاندانان، لە د. ئومێد سەباح، سەرۆکی دیوانی ئەنجوومەنی وەزیران، د. ئامانج ڕەحیم، سکرتێری ئەنجوومەنی وەزیران و سیروان محەممەد، بریکاری وەزارەتی پلاندانان پێکهاتووە.

زانیاریی زیاتر: ئامانجی سەردانەکە دیدار و کۆبوونەوەیە لەبارەی پرسی سەرژمێریی گشتیی دانیشتووانی عێراق و هەرێمی کوردستان لەگەڵ لایەنە پەیوەندیدارەکانی عێراق، کە بڕیارە  20-11-2024 بکرێت.