هەرێمی كوردستان و هەرێمی مورسیای ئیسپانیا بەیەكەوە كەرتی كشتوكاڵ پێشدەخەن

ئاڤا نیوز

 

شاندێكی وەزارەتی كشتوكاڵ و سەرچاوەكانی ئاوی حكومەتی هەرێمی كوردستان بە سەرپەرشتی بێگەرد تاڵەبانی، وەزیری كشتوكاڵ، لە وڵاتی ئیسپانیان، ئامانجی سەردانەكە بۆ پێشخستنی كەرتی كشتوكاڵ و بازرگانیی هەرێمی كوردستانە.

 

ڕاگەیێنراوی فەرمی: بەپێی ڕاگەیێنراوێكی وەزارەتی كشتوكاڵ، شاندەكە سەردانی پەیمانگای گەشەپێدانی کشتوکاڵ و بازرگانی هەرێمی مورسیای ئیسپانیایان كردووە و لە دیدارێكدا لەگەڵ سەرۆك و تیمی پەیمانگاكە پڕۆژەکانی هاریکاری داهاتووی نێوان هەردوو هەرێم لە بوارە هاوبەشەکانی وەک داهێنانی کشتوکاڵی، کەرتی خۆراکی کشتوکاڵی، ئاو و وزەی نوێبووەوە، ئاژەڵداری، سامانی ماسی و ڕاهێنانی کشتوکاڵی تاوتوێ كرا.

 

لەلایەكی دیكەوە: لەو دیدارەی نێوان بەرپرسانی وەزارەتی كشتوكاڵ و بەرپرسانی پەیمانگەی گەشەپێدانی کشتوکاڵ و بازرگانی هەرێمی مورسیای ئیسپانیا، بڕیاردرا تیمێکی هاوبەش لەنێوان هەردوولا پێکبهێنرێت بۆ پەرەپێدانی کەرتی کشتوکاڵ و بازرگانیی نێوان هەردوولا.