پڕۆژەی كارەبای 24 كاتژمێری دەگاتە سلێمانی و دهۆك

ئاڤا نیوز

 

بە فەرمانی سەرۆكوەزیران مەسرور بارزانی، پڕۆژەی ڕووناكی كە بریتییە لە دابینكردنی كارەبای 24 كاتژمێری بۆ هاووڵاتیان سەرتاسەری هەرێمی كوردستان دەگرێتەوە.

 

بۆچی گرنگە: بنەمایەکی سەرەکی ئەم پرۆژەیە ئەوەیە ڕوودەکاتە هاووڵاتییانی کەمدەرامەت و دڵنیایییان پێدەدات لەوەی بەتەواوەتی پارێزراون لە گرانبوونی نرخەکان. هەر بۆیەش ئامانجی پرۆژەکە ئەوەیە کە باشترین خزمەتگوزاری بە کەمترین تێچوو پێشکەش بە هاووڵاتییان بکات.

 

زانیاریی بەدەستهاتوو: بەپێی زانیارییەكانی ئاڤا نیوز، پڕۆژەی ڕووناكی لە گەڕەكی سەربەستی لە ڕۆژئاوای هەولێر دەستپێكردووە، تیایدا نزیكەی هەشت هەزار هاوبەش كە پێكهاتوون لە ماڵ و شوێنی بازرگانی، كارەبای 24 كاتژمێرییان پێدەدەرێت و لەمەودوا بەهیچ شێوەیەك پێویستیان بە كارەبای مۆلیدە نامێنێت.

 

لەلایەكی دیكەوە: بە فەرمانی سەرۆكوەزیران مەسرور بارزانی، دەبێت پڕۆژەی ڕووناكی لە تەواوی هەرێمی كوردستان بە هاوتەریبی جێبەجێ بكرێت و لە ماوەی دوو ساڵدا سەرجەم دانیشتووانی هەرێمی كوردستان ببنە خاوەنی كارەبای 24 كاتژمێری، لە ڕۆژانی داهاتوو پڕۆژەكە لە هەردوو پارێزگای سلێمانی و دهۆكیش جێبەجێ دەكرێت.

 

ئەوەش بزانە: مانگی داهاتوو، پلانی گشتگیری پڕۆژەكە دەستپێدەكات و گەڕەك لەدوای گەڕەك جێبەجێ دەكرێت.

 

ئەوەی پێویستە بیزانیت: لە کابینەی نۆیەمی حکومەتی هەرێمی کوردستان بەرهەمهێنانی کارەبا 1340 مێگاوات زیادی کردووە و گەیشتووەتە 3817 مێگاوات، هاوکات ژێرخانی بەرهەمهێنانی کارەباش گەیشتووەتە 7689 مێگاوات.