بیتکۆین لە شکاندنی لووتکەی مێژوویی نزیک دەبێتەوە

ئاڤا نیوز

دراوی ئەلیکترۆنی بیتکۆین لە تۆمارکردنی بەرزترین نرخی لە مێژوودا نزیک دەبێتەوە و جارێکی دیکە دەگاتە سەروی 73 هەزار دۆلار.

وێنە گەورەکە: بەپێی ئێکسچەینجی باینانسی ئەمریکی، بەرزترین نرخی بیتکۆین 73 هەزار و 777 دۆلار بووە و ڕۆژی  14-3-2024 تۆماری کردووە، شەوی ڕابردووش کاتژمێر 01:45 خولەک گەیشتەوە 73 هەزار و 620 دۆلار (حەوت دەفتەر و 36 وەرەقە و 20 دۆلار).

 

ئەوەی پێویستە بیزانیت: وەبەرهێنەران بەوریاییەوە چاویان لەسەر هەڵبژاردنی سەرۆکایەتیی ئەمریکایە و، دۆناڵد ترەمپ، بەربژێری کۆمارییەکان کاریگەرییەکی زۆری بەسەر بازاڕە داراییەکان بەتایبەت دراوە ئەلیکترۆنییەکانەوە هەیە.

هۆکارە زانراوەکان: بەرزبوونەوەی نرخی بیتکۆین وەک گرەوێک لەسەر سەرکەوتنی کۆمارییەکان سەیر دەکرێت، چونکە دۆناڵد ترەمپ لایەنگری دراوی ئەلیکترۆنییە.

 

لێدوانی فەرمی: ڕوس مۆڵد، شرۆڤەکاری کۆمپانیای ئەی جەی بێڵ دەڵێت، نرخی بیتکۆین پێگەی ترەمپە لە ڕاپرسییەکاندا و سەرکەوتنی کۆمارییەکان دەبێتە هۆی زیادبوونی خواست لەسەر دراوی ئەلیکترۆنی.

ئەمەش بزانە: بەپێی ئەنجامی نوێترین ڕاپرسی بی بی سی، دەنگی هەردوو بەربژێری دیموکراتەکان و کۆمارییەکان لەیەک نزیکە، لە کۆی 95%ی بەشداربووان کامالا هاریس 48%ی دەنگەکان و دۆناڵد ترەمپ  47%ی دەنگەکانی بەدەستهێناوە.