سەرۆکوەزیران بارزانی: دڵگرانم بە لافاوە وێرانکەرەکەی ئیسپانیا

ئاڤا نیوز

 

بارانێکی بەخوڕ ناوچەجیا جیاکانی وڵاتی ئیسپانیا گرتووەتەوە و لافاو لە باشووری وڵاتەکە دروست بووە، هاوکات زیانێکی زۆری ماددی و گیانی هەبووە.

 

چیرۆکی سەرەکی: بارانێکی بەخوڕ ناوچە جیاجیاکانی ئیسپانیای گرتەوە، بەرپرسانی وڵاتەکەش لافاوەکە بە یەکێک لەو کارەساتە سروشتیانە دادەنێن کە زۆرترین قوربانی لێکەوتووەتەوە.

 

لێدوانی فەرمی: سەرۆکوەزیران مەسرور بارزانی، لە تۆڕی کۆمەڵایەتی ئێکس لەبارەی لافاوەکەوە ڕایگەیاند: "دڵگرانم بە لافاوە وێرانکەرەکەی باشووری ئیسپانیا، لەم کاتە سەختەدا هاوخەمم لەگەڵ قوربانیانی لافاوەکە و بنەماڵەکانیان و خەڵکی ئیسپانیا".

 

باکگراوند: لە سەرەتای هەفتەی ڕابردووەوە بارانێکی بەخوڕ و بای توند ڕووی لە ئیسپانیا کردووە، لە هەندێک ناوچەدا تەنها لە ماوەی تەنها چەند کاتژمێرێکدا بارانی وەرزێک باریوە، بەو هۆیەوە زیاتر لە 90 کەس گیانیان لەدەستداوە.