سەرۆکوەزیران بارزانی کارگەیەک لە هەڵەبجە دەکاتەوە

ئاڤا نیوز

سەرۆكوەزیران مەسرور بارزانی لە چوارچێوەی كار و پڕۆژەكانی لە پارێزگای هەڵەبجە، ئەمڕۆ پێنجشەممە كارگەی زەیتی زەیتوونی ڕاسانی كردەوە.

ئەوەی پێویستە بیزانیت: كارگەی بەرهەمهێنانی زەیتی زەیتوونی ڕاسان لە هەڵەبجە لەسەر ڕووبەری پێنج دۆنم زەوی بونیادنراوە، هەلی كاری بۆ 25 كەس ڕەخساندووە، توانای هەیە ڕۆژانە 120 تەن ڕۆنی زەیتوون بەرهەم بهێنێت.

زانیاریی زیاتر: جووتیاران ڕۆژانە زیاتر لە  10 تۆن زەیتوون دەبەنە ئەم كارگەیە بۆ ئەوەی بكرێت بە ڕۆنی زەیتوون، ساڵانە هەزار و 100 تۆن ڕۆنی زەیتوون لەم كارگەیە بەرهەمدێت، لەو بڕە 10 تۆن ڕەوانەی وڵاتانی بەریتانیا و ئەڵمانیا دەكرێت. جگە لە ڕۆنی زەیتوون، کارگەکە چەند بەرهەمێکی دیکەشی هەیە، وەک سابوون، ڕووبە هەنار ساڵانە 30 تۆن سركەی سێو  ساڵانە 20 تۆن.

باكگراوند: ساڵانە لە هەرێمی كوردستان بڕی 100 تۆن زەیتی زەیتوون بەرهەم دەهێنرێت، لەسەر ئاستی هەرێمی كوردستانیش پارێزگای هەڵەبجە لە بەرهەمهێنانی زەیتوون و زەیتی زەیتوون لە پلەی یەكەمدایە. كارگەكە لە بەرواری 28-10-2019 ەوە ئامادەیە بۆ وەرگرتنی زەیتوون لە جووتیاران.