لە هەولێر ئامادەکاریی تەواو بۆ مەترسییەکانی لافاو کراوە

ئاڤا نیوز

 

لەپارێزگای هەولێر سەرجەم ئامادەکارییەکان بۆ ڕووبەڕووبوونەوەی مەترسییەکانی لافاو و  کۆبوونەوەی ئاوکراوە.

 

وێنە گەورەکە: ساڵانە لە هەولێر بەهۆی بارانی بە خوڕ، لە بەشێک لە گەڕەکەکانی هەولێر لافاو دروست دەبوون و هاووڵاتیان زەرەر و زیانێکی زۆریان بەردەکەوت، ئەمساڵ بەر لە هاتنی وەرزی بارانبارین ئامادەکاری بۆ ڕووبەڕووبوونەوەی مەترسییەکان کران.

 

ڕاگەیێنراوی فەرمی: ناز جەلال، بەڕێوەبەری کۆچ و کۆچبەران و وەڵامدانەوەی قەیرانەکانی پارێزگای هەولێر بە ئاڤا میدیای ڕاگەیاند: تیمەکان لەسەرجەم سنوری شارەوانییەکان بەتەواوی پێداویستییەکانەوە لە ئامادەباشیدان و هەماهەنگی تەواوکراوە لەنێوان لایەنە پەیوەندیدارەکان.

 

ئەوەی پێویستە بیزانیت: لە ساڵانی ڕابردوودا بە پاڵپشتی سەرۆکوەزیران مەسرور بارزانی، چەندین پرۆژە بۆ بەرەنگاربوونەوەی مەترسییەکانی ڕوودانى لافاو و هەر ئەگەرێکى نەخوازراو لە شاری هەولێر جێبەجێکراون، وەکو دروستکردنی ئاوەڕۆی لوولەیی، فراوانکردن و پاککردنەوەی ڕێرەى ئاوى سروشتى باران، ئاوى قورس و کەندەکان، دروستکردنی چەندین پۆند و بەنداو، کە بەشێکیان تەوابوونە و بەشێکی تریشیان بە ڕێژەی جیاواز لە بواری جێبەجێکردندان.