ئەمڕۆ کۆتا ڕۆژە بۆ وەرگرتنی تانەکان لە ئەنجامی هەڵبژاردنەکانی پەرلەمانی کوردستان

ئاڤا نیوز

 

دوای ڕاگەیاندنی ئەنجامی کۆتایی هەڵبژاردنی خولی شەشەمی پەرلەمانی کوردستان، کۆمیسیۆن سێ ڕۆژی بۆ وەرگرتنی تانەی هەڵبژاردن دیاری کرد، سەرۆکی دەستەی هەڵبژاردنی کوردستان لە کۆمیسیۆنی باڵای سەربەخۆی هەڵبژاردنەکانی عێراق دەڵێت "تا کۆتایی دەوامی ئەمڕۆ تانە وەردەگیرن".

 

لێدوانی فەرمی: نەبەرد عومەر، سەرۆکی دەستەی هەڵبژاردنی کوردستان لە کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی ڕاگەیاند: "تاوەکو ئێستا چوار تانە تۆمار کراوە، دوو لە سلێمانی، دوو لە دهۆک".

 

ئەمەش بزانە: تا کاتژمێر 03:00ـی پاشنیوەڕۆی ئەمڕۆ یەکشەممە تانە وەردەگیرێت.

 

زانیاریی زیاتر: بەگوێرەی جۆری تانەکان و ئەو بەڵگانەی لەگەڵیان هاوپێچکراون، لێکۆڵینەوە دەکرێت و دوای 10 ڕۆژ ئەنجامەکە ڕادەگەیێنرێت.

 

ئەوەی پێویستە بیزانیت: دەستەی دادوەریی دوای 10 ڕۆژ ئەنجامی کۆتایی هەڵبژاردنەکان پەسەند دەکات، پەرلەمانی کوردستانیش دەتوانێت دوای ئەو وادەیە یەکەم کۆبوونەوەی خۆی ئەنجام بدات.

 

باکگراوند: ڕۆژی2024/10/20، هەڵبژاردنی خولی شەشەمی پەرلەمانی کوردستان کرا و 72.6٪ـی خەڵک بەشداری تێدا کرد.