سەرۆک بارزانی پێشوازی لە سێ کەسایەتیی کوردی فەیلی دەکات

ئاڤا نیوز

 

سەرۆک بارزانی لەگەڵ ژمارەیەک کەسایەتیی و نوێنەرانی کۆمەڵە و ڕێکخراوی کوردی فەیلی کۆدەبێتەوە و جەخت لەوە دەکاتەوە، کوردانی فەیلی نموونەیەکی دیاری ئەو ستەم و  چەوساندنەوەیەن کە لە دژی گەلی کورد کراوە.

 

چیرۆکی سەرەکی: ڕۆژی یەکشەممە 3ی تشرینی دووەمی 2024 لە سەڵاحەددین، سەرۆک مەسعود بارزانی پێشوازی لە ژمارەیەک کەسایەتیی و نوێنەرانی کۆمەلە و رێکخراوی کوردی فەیلی کرد. شاندی میوان باسیان لە گرفتەکان و بابەتی بێبەشبوونی ژمارەیەکی زۆری کوردی فەیلی لە ماف و ناسنامە و ئاسەواری ئازاردان و ڕاگواستنیان و دەرئەنجامەکانی سیاسەتی شۆڤینی بۆ سەرۆک بارزانی کرد.

 

ڕاگەیێنراوی فەرمی: بارەگای بارزانی رایگەیاند: سەرۆک بارزانی لە دیدارەکەدا لەگەڵ شاندی میوان ئاماژە بەوە دەکات، کوردی فەیلی هێمای فیداکاری و کوردپەروەرین و بەهۆی ناسنامەی نەتەوەییان تووشی زوڵم و دەربەدەریی و ئاوارەیی بوونە.

 

لەلایەکی دیکەوە: نوێنەری کوردی فەیلی سوپاسی سەرۆک بارزانییان کرد کە هەمیشە بەرگری لە مافەکانی کوردی فەیلی کردووە لەو کێشەو ئاستەنگانەی هەیانە و هەمیشە داکۆکیکار بووە بۆ گەڕاندنەوە و چەسپاندنی مافەکانیان.