سێ وەزیری ئەمنیی کوردستان و عێراق سەردانی کۆرمۆر دەکەن

ئاڤا نیوز

بەپێی زانیارییەکان "ئاڤا میدیا"، بڕیارە سبەی هەینی شاندێکی ئەمنیی باڵای عێراق و هەرێمی کوردستان سەردانی کێڵگەی کۆرمۆر بکەن و لێکۆڵینەوە لە هێرشەکە دەستپێبکەن.

زانیاریی بەدەستهاتوو: بەگوێرەی زانیارییەکانی ئاڤا سبەی هەینی ئەو شاندە باڵایەی ئەمڕۆ لەلایەن محەممەد شیاع سوودانی، سەرۆکوەزیرانی عێراق پێکهێنرا، سەردانی کێڵگەی غازی کۆرمۆر دەکەن و لێکوڵینەوە لە هێرشەکە دەکەن.

ئەوەی پێویستە بیزانیت: ئەندامانی لیژنە باڵاکە پێکهاتوون لە عەبدولئەمیر شەمەری، وەزیری ناوخۆی عێراق. حەمید شەتری، سەرۆکی دەزگای هەواڵگریی نیشتمانیی عێراق. ڕێبەر ئەحمەد، وەزیری ناوخۆی هەرێمی کوردستان.

ئەوەی چاوەڕێ دەکرێت: ئاڤا زانیویەتی یەکێک لەو بابەتانەی لە کاتی سەردانەکە گفتوگۆی لەسەر دەکرێت چۆنیەتیی پاراستنی ئاسایشی کێڵگەکە و ناوچەکە و هەماهەنگیی ئەمنیی زیاتری نێوان هێزەکانی پێشمەرگە و سوپای عێراق بکرێت.