باڵیۆزی ئەمریکا: پشتیوانی لە حکومەتێکی گشتگیر بۆ هەرێمی کوردستان دەکەین

ئاڤا نیوز

 

باڵيۆزى ئه‌مه‌ريكا له‌ عێراق خۆشحاڵی خۆی بە سەردانەکەی بۆ لای سەرۆکوەزیران مەسرور بارزانی دەردەبڕێت و جەخت لە پشتیوانی ویلایەتە یەکگرتووەکان بۆ پێکهێنانی حکومەتێکی گشتگیر دەکاتەوە.

 

چیرۆکی سەرەکی: ئەلینا ڕۆمەناوسکی، باڵيۆزى ئه‌مه‌ريكا له‌ عێراق ئه‌مڕۆ دووشەممە‌ 4-11-2024 لە شاری هەولێر لە  لەگەڵ سەرۆکوەزیران مەسرور بارزانى کۆبووەوە و گفتوگۆیان لەبارەی پێکهێنانی کابینەی نوێی حکومەتی هەرێمی کوردستان کرد.

 

ڕاگەیێنراوی فەرمی: ڕۆمەناوسکی ڕایگەیاند: خۆشحاڵ بووم بە دیداری مەسرور بارزانی، سەرۆکی حکومەتی هەرێمی کوردستانی عێراق. هاوکات دەڵێت: ویلایەتە یەکگرتووەکانی ئەمریکا جەخت لە پشتیوانیکردنی پێکهێنانی حکومەتێکی گشتگیر بۆ هەرێمی کوردستان دەکات کە وەڵامدەرەوەی پێداویستییەکانی هاووڵاتیانی هەرێمی کوردستانی عێراق بێت.

 

ئاماژە بەوەش دەکات کە لە دیدارەکەیان لەگەڵ سەرۆکوەزیران بارزانی گفتوگۆیان لەبارەی گۆڕانکارییە هەرێمییەکان و هەوڵەکانی چاکسازی پێشمەرگە کردووە.