نزیکەی 700 ملیار دینار بۆ کۆمەڵێک پڕۆژەی خزمەتگوزاری سلێمانی خەرج دەکرێت

ئاڤا نیوز

وەزارەتی شارەوانی و گەشتوگوزار ڕایگەیاند، فەرمانی وزاری بۆ خەرجکردنی نزیکەی 700 ملیار دینار دەرکردووە، کە بۆ کۆمەڵێک پڕۆژەی خزمەتگوزرای ناو شاری سلێمانی تەرخان دەکرێن.

 

ڕاگەیێنراوی فەرمی: ئەمڕۆ سێشەممە، وەزارەتی شارەوانی و گەشتوگوزار ڕەزامەندیدا لەسەر خەرجکردنی گوژمەی 697،469،000 دینار بۆ ژمارەیەك پڕۆژەی خزمەتگوزاری لە شاری سلێمانی، بەجۆرێک تەرخانکردنی ئەو گوژمەیە لەسەر ڕێژەی 15%ی داهاتی سەرۆكایەتیی شارەوانیی سلێمانی دەبێت.

 

بۆچی گرنگە: ئەو پارەیەی تەرخانکراوە بۆ هەریەکە لە دابینکردنی پێداویستی بۆ کارگەی قیری شارەوانی سلێمانی تا خزمەتگوزاری قیرتاوکردن بگەیێنێتە شەقام و کۆڵانەکان، لەگەڵ دروستكردنی تۆڕی ئاوەڕۆ بۆ چەند كۆڵانێك لە سەرەتای گوندی قولەڕەیسی خواروو، پڕۆژە بۆ شەقامی حەمەجەزا و گەڕەكی كانی با و کەڵەکن.