هەولێر و بەغدا لەبارەی سەرژمێری لە سنووری ماددەی 140 گفتوگۆ دەکەن

ئاڤا نیوز

 

گوتەبێژی حکومەتی هەرێمی کوردستان ڕایدەگەیێنێ، پشتوانی سەرژمێرین بەڵام تێبینییان هەیە، لە چەند ڕۆژی داهاتوودا لەگەڵ بە‌غدا گفتوگۆ لەبارەی تێبینییەکان دەکەن.

وێنە گەورەکە: ئەنجوومەنی وەزیرانی هەرێمی كوردستان ئەمڕۆ کۆبووە و سێ پرسی تاوتوێ کرد، یەکێکیان سەرژمێری بوو. دواتر پێشەوا هەورامانی، وتەبێژی حكومەت ناوەڕۆکی کۆبوونەوەکەی ئاشكرا کرد.

لێدوانی فەرمی: پێشەوا هەورامانی ڕایگەیاند: ئێمە ڕامان وایە سەرژمێری نابێت هیچ كاریگەرییەكی نەرێنی لەسەر پرسی ماددەی 140 هەبێت، بەڵام چەند تێبینییەكی سەبارەت بە بەڕێوەچوونی پرۆسەكە لە ناوچە كوردستانییەكان هەیە".

 

زانیاریی زیاتر: وتەبێژی حکومەت بەپێویستی دەزانێت ناوچە كوردستانییەكانی دەرەوەی ئیدارەی هەرێمی کوردستان لە پرۆسەی سەرژمێریدا مامەڵەیەكی تایبەتیان لەگەڵ بكرێت و دەڵێت: "كاتێكی كەممان لەبەردەم ماوە و لە ڕۆژانی داهاتوو هەولێر و بەغدا سەبارەت بە تێبینییەكان گفتوگۆ دەكەن".