ڕووسیا یەکەم لێدوانی لەبارەی سەرکەوتنی ترەمپ دا

ئاڤا نیو

 

دیمیتری پێسکۆڤ، گوتەبێژی کرملین هەڵوێستی وڵاتەکەی لەبارەی سەرکەوتنی دۆناڵد ترەمپ بۆ سەرۆکایەتی ئەمریکا ئاشکرا دەکات و پەیوەندیمان لەگەڵ ئەمریکا لەوەی ئێستا خراپتر نابێت. 

 

وێنە گەورەکە: دوای سەرکەوتنی دۆناڵد ترەمپ وەک سەرۆکی نوێی ئەمریکا، جیهان چاوەڕێی کاردانەوەی ڕووسیا بوو، هەرچەندە ڕووسیا سەرەتا لەوبارەیەوە هیچ کاردانەوەیەکی نەبوو، بەڵام دواجار وتەبێژی کرملین گوتی، پەیوەندیمان لەگەڵ ئەمریکا لەوەی ئێستا خراپتر نابێت.

 

لێدوانی فەرمی: دیمیتری پێسکۆڤ: گوتەبێژی کرملین ڕایگەیاند: پەیوەندیی نێوان ڕووسیا و ئەمریکا لەوەی ئێستا هەیە خراپتر نابێت.

 

لەلایەکی دیکەوە: پێشووتر پێسکۆڤ ڕایگەیاندبوو، ڤلادمیر پوتین، سەرۆکی ڕووسیا پیرۆزبایی سەرکەوتن لە ترەمپ ناکات، "لە کاتێکدا وڵاتەکەمان لە شەڕدایە، بیرتان نەچێت باس لە وڵاتێک دەکەین کە دۆستی ئێمە نییە".

 

ئەوەی پێویستە بیزانیت: هەرچەندە ئەمریکا و ڕووسیا بە فەرمی ڕایناگەیێنن، بەڵام  پەیوەندییەکانی نێوانیان  باش نییە، دەستبەکاربوونی ترەمپ وەک سەرۆکی نوێی ئەمریکا، ئەگەر هەیە هاوکێشەی شەڕی چەند ساڵەی نێوان ڕووسیا و ئۆکراینا بگۆڕێت.